[ Amulik Lal - Page 55-56 ]

* ਪਰਮੇਸ਼ਰ ਜਦੋਂ ਕਿਸੇ ਨੂੰ ਮਾਣ ਦੇਵੇਂ ਤਾਂ ਦੁਨੀਆਂ ਦੀ ਕੋਈ ਤਾਕਤ ਅਜਿਹੀ ਨਹੀਂ ਜਿਹੜੀ ਉਸ ਤੋਂ ਵਾਪਿਸ ਲੈ ਸਕੇ l

* ਵਿਗਿਆਨ ਕਹਿੰਦਾ ਹੈ ਕਿ ਜੀਭ ਤੇ ਲੱਗੀ ਚੋਟ ਸਭ ਤੋਂ ਪਹਿਲਾਂ ਠੀਕ ਹੁੰਦੀ ਹੈ l ਗਿਆਨ ਕਹਿੰਦਾ ਹੈ ਕਿ ਜੀਭ ਤੋਂ ਲੱਗੀ ਚੋਟ ਕਦੇ ਠੀਕ ਨਹੀਂ ਹੁੰਦੀ l ਇਸ ਵਾਸਤੇ ਹਮੇਸ਼ਾ ਮਿੱਠਾ ਬੋਲੋ l ਬਾਬਾ ਫਰੀਦ ਜੀ ਕਹਿੰਦੇ ਹਨ,
 " ਮਿਠਾ ਬੋਲੋ ਨਿਵ ਚਲਿਹ ਹਥੋਂ ਵੀ ਕੁਝ ਦੇਹਿ ll
   ਰੱਬ ਤਿਨਾਂ ਦੀ ਬੁੱਕਲੀ ਜੰਗਲ ਕਿਆ ਢੂੰਢਹਿ l"

* ਆਤਮਾ ਕੋ ਨਾ ਕਭੀ ਕਿਸੀ ਸ਼ਾਸਤਰ ਦੁਆਰਾ ਕਾਟਾ ਜਾ ਸਕਤਾ ਹੈ, ਨਾ ਹੀ ਅਗਨੀ ਦੁਆਰਾ ਜਲਾਇਆ ਜਾ ਸਕਤਾ ਹੈ l ਨਾ ਜਲ ਦੁਆਰਾ ਭਿਗਾਇਆ ਜਾ ਸਕਤਾ ਹੈ l ਨਾ ਹੀ  ਵਾਯੂ ਦੁਆਰਾ ਸੁਖਾਇਆ ਜਾ ਸਕਤਾ ਹੈ l

* ਜੋ ਆਦਮੀ ਆਪਣੇ ਜੀਵਨ ਮੇਂ ਅਪਰਾਧ ਛੁਪਾਤਾ ਹੈ, ਵਹ ਕਭੀ ਭੀ ਜੀਵਨ ਮੇ ਤਰੱਕੀ ਨਹੀਂ ਕਰ ਸਕਤਾ l

* ਸੁੱਖੀ ਜੀਵਨ :-
1 ਜੀਵਨ ਵਿੱਚ ਆਸ਼ਕਤੀ ਘੱਟ ਰਖੋ l
2 ਜੀਵਨ ਵਿੱਚ ਜੋ ਸਾਹਮਣੇ ਆ ਰਿਹਾ ਹੈ, ਪ੍ਰਵਾਨ ਕਰੋ l
3 ਜੀਵਨ ਵਿੱਚ, ਤੁਲਨਾ ਵਿੱਚ ਨਾ ਖੜੋ l
4 ਜੀਵਨ ਵਿੱਚ ਪਾਗਲਪਨ ਘੱਟ ਰਖੋ l
5 ਜੀਵਨ ਵਿੱਚ ਘੱਟ ਬੋਲੋ ਪਰ ਕੰਮ ਦਾ ਬੋਲੋ l

ਵਿਖਾਓ - ਦਿਵਯ ਤੇ ਭਾਵਯ
ਖਾਓ - ਪ੍ਰਸ਼ਾਦ
ਪੀਓ - ਅਨਹਦ ਨਾਦ
ਹਿਰਦਾ - ਅੰਮ੍ਰਿਤ ਭਰਪੂਰ ਹੋਵੇ
ਚਾਲ - ਸਚ ਚਰਿੱਤਰ ਹੋਵੇ
ਕੰਮ - ਪਵਿੱਤਰ ਹੋਵੇ
ਜੀਵਨ - ਇੱਤਰ ਹੋਵੇ 

Sahidi Smagam

Mahaan Shaheedi Samagam (Guru Arjan Dev Ji Maharaj)
10 June, 2013 to 12 June, 2013 at
G. Gursagar Sahib, Near Lake, Chandigarh

[ Amulik Lal - Page 54-55 ]

* ਡਰਦਾ ਉਹ ਹੈ, ਜਿਹੜਾ ਪਾਪ ਕਰਦਾ ਹੈ l ਜਿਹੜਾ ਮਨੁਖ ਪਾਪ ਨੂੰ, ਮਨ ਵਿੱਚ ਲੁਕਾਈ ਰਖਦਾ ਹੈ, ਉਸਦਾ ਸਾਰਾ ਜੀਵਨ ਖਰਾਬ ਹੋ ਜਾਂਦਾ ਹੈ l

* ਸਭ ਨੂੰ ਸਨਮਾਨ ਦੇਣ ਨਾਲ, ਤੁਹਾਡੀ ਜ਼ਿੰਦਗੀ ਮਿਠਾਸ ਨਾਲ ਭਰ ਜਾਵੇਗੀ l

* ਜੇ ਆਪਣਾ ਭਲਾ ਚਾਹੁੰਦੇ ਹੋ, ਤਾਂ ਕਿਸੇ ਦਾ ਬੁਰਾ ਨਾ ਕਰੋ ਅਤੇ ਨਾ ਸੋਚੋ l

* ਦੂਸਰਿਆਂ ਨੂੰ ਭੋਜਨ ਖਵਾਉਣ ਵਾਲਾ, ਆਪ ਕਦੀ ਵੀ ਭੁੱਖਾ ਨਹੀਂ ਰਹਿ ਸਕਦਾ l

* ਪਰਮੇਸ਼ਰ ਪਹਿਲਾਂ, ਮਨੁਖ ਦੇ ਸਾਰੇ ਔਗੁਣ ਲੈਣਗੇ l ਫਿਰ ਉਸ ਨੂੰ ਚੰਗਿਆਈਆਂ ਦੇਣਗੇ l

* ਸੰਸਾਰ ਦੀ ਪ੍ਰੀਤ-ਆਖੀਰ ਵਿੱਚ ਰੌਣਾ l

* ਨਿਰੰਕਾਰ ਦੀ ਪ੍ਰੀਤ-ਅਖੀਰ ਵਿੱਚ ਮਿਲਾਪ l

* ਆਦਮੀ ਵਾਸਤੇ ਮਾਂ, ਭੈਣ ਅਤੇ ਭਾਬੀ, ਤਿੰਨ ਤੀਰਥ ਹਨ l

* ਕਰਮ ਤੇ ਵਿਵਸਥਾ ਹੀ, ਸਫਲਤਾ ਦੇ ਮੂਲ ਮੰਤਰ ਹਨ l ਬਹੁਤ ਸਮਸਿਆਵਾਂ ਦਾ ਹੱਲ ਚੁੱਪ ਰਹਿ ਕੇ ਵੀ, ਕੀਤਾ ਜਾ ਸਕਦਾ ਹੈ l

Parkash Purab

450 Pawan Prakash Purab 
Dhan Dhan Sahib Sri Guru Arjun Dev Ji Maharaj - Kirtan Diwan - 02 May 2013

Parkash Purab

02 May 2013 - Guru Arjan Dev Ji Mahraj 450 Parkash Purab @ Gurdwara Gursagar Sahib Near Sukhna Lake Chandigarh.

[ Amulik Lal - Page 53-54 ]

* ਆਪਣੀ ਸਭਿਅਤਾ ਦੇ ਪ੍ਰਤੀ ਵਫ਼ਾਦਾਰ ਰਹੋ l ਸਚ ਬੋਲੋ, ਸਚ ਦੀ ਖੋਜ ਕਰੋ l ਸਚ ਦਾ ਹੀ ਆਚਰਣ ਕਰੋ l

* ਪਰਮੇਸਰ ਨਾਲ ਜਿਨ੍ਹਾਂ ਅਸੀਂ ਜੁੜਦੇ ਜਾਵਾਂਗੇ, ਉਤਨੀ ਹੀ ਸ਼ਕਤੀ ਪ੍ਰਾਪਤ ਕਰਦੇ ਜਾਵਾਂਗੇ l

* ਭੋਜਨ ਛਕਣ ਤੇ ਝੂਠੀ ਥਾਲੀ ਜਾਂ ਬਰਤਨ ਆਪਣੇ ਸਾਹਮਣੇ ਨਹੀਂ ਰਖਣੇ ਚਾਹੀਦੇ l ਨਾ ਹੀ ਬਰਤਨ, ਸ਼ਿੰਕ ਵਿੱਚ ਰਹਿਣ ਦਿਓ l ਇਸ ਨਾਲ ਘਰ ਵਿੱਚ ਭੋਜਨ ਅਤੇ ਭਜਨ ਵਿੱਚ ਦਲਿਦਰ ਪਇਆ ਰਹੇਗਾ l

* ਦਫਤਰ ਵਿੱਚ ਹਮੇਸ਼ਾ ਦਰਵਾਜ਼ੇ ਦੀ ਤਰਫ਼ ਮੁੱਖ ਰੱਖ ਕੇ ਬੈਠੋ l

* ਆਪਣੀ ਆਮਦਨ ਦਾ ਦਸਵਾਂ ਹਿੱਸਾ, ਗੁਰੂ ਦੇ ਨਮਿਤ ਕੱਡੋ l ਘਰ ਵਿੱਚ ਸਮਰਿਧੀ, ਬਣੀ ਰਹੇਗੀ l

* ਉਹ ਗਿਆਨ ਬੋਝ ਹੈ - ਜਿਹੜਾ ਭੋਲਾਪਨ ਖੋਹ ਲਵੇ l ਜਿਸ ਵਿੱਚ ਹੰਕਾਰ ਹੈ, ਜਿਸ ਵਿੱਚ ਅਨੰਦੁ ਦੀ ਪ੍ਰਾਪਤੀ ਨਹੀਂ, ਜੋ ਈਰਖਾ ਤੋਂ ਮੁਕਤ ਨਾ ਕਰੇ, ਜੋ ਬੁਧੀਮਤਾ ਵਿੱਚ ਹੰਕਾਰ ਭਰੇ l

* ਇਨਸਾਨ ਨੂੰ ਬੋਲਣ, ਸਿਖਣ ਲੱਗਿਆਂ, ਦੋ ਸਾਲ ਲਗਦੇ ਹਨ l ਕੀ ਬੋਲਣਾ ਹੈ ਉਸ ਵਾਸਤੇ ਸਾਰੀ ਜ਼ਿੰਦਗੀ ਨਿਕਲ ਜਾਂਦੀ ਹੈ ਸਿਖਦਿਆਂ - ਸਿਖਦਿਆਂ, ਜੀ (ਮਿਠਾਸ) ਨੂੰ ਜਿਤਣਾ ਬਹੁਤ ਔਖਾ ਹੈ l ਅਗਿਆਤ ਯਾਤਰਾ, ਅਨੰਤ ਯਾਤਰਾ ਹੈਂ l  

[ Amulik Lal - Page 52-53 ]

* ਜਿਹੜਾ ਵਰਤਮਾਨ ਨੂੰ ਨਹੀਂ ਸੰਭਾਲਦਾ, ਉਹ ਆਪਣਾ ਸਭ ਕੁਝ ਗਵਾ ਬੈਠਦਾ ਹੈ  l

* ਜੇਕਰ ਤੁਸੀਂ ਜਿੰਦਗੀ ਵਿੱਚ, ਸਫਲ ਹੋਣਾ ਚਾਹੁੰਦੇ ਹੋ, ਤਾਂ ਆਪਣੇ ਕੰਮ ਨੂੰ ਅੱਗੇ ਰੱਖੋ, ਭਾਵੇਂ ਉਸ ਸਮੇਂ ਸਿਹਤ ਕੁਝ ਖ਼ਰਾਬ ਹੋਵੇ l ਆਪਣੇ ਆਪ ਨੂੰ ਜਿੱਤ ਕੇ ਹੀ ਸਫ਼ਲ ਹੋਇਆ ਜਾ ਸਕਦਾ ਹੈ l ਮਿਹਨਤ, ਕੋਸ਼ਿਸ਼ ਉਹ ਕੁੰਜੀ ਹੈ, ਜਿਸ ਨਾਲ ਕਿਸਮਤ ਦੇ ਦਰਵਾਜ਼ੇ ਖੁੱਲ ਜਾਂਦੇ ਹਨ l ਕੋਸ਼ਿਸ਼ ਕਰਕੇ ਉਸ ਓੱਤੇ ਛੱਡ ਦਿਓ l ਇਕ ਨਾ ਇਕ ਦਿਨ ਉਹ ਪ੍ਰਸ਼ਾਦ ਜਰੂਰ ਮਿਲੇਗਾ l

* ਫੁੱਲ ਦੀ ਸੁਗੰਧੀ ਦੀ ਤਰ੍ਹਾਂ, ਸੰਸਾਰ ਵਿੱਚ ਰਹੋ l ਇਹੋ ਜਿਹਾ ਨਾ ਹੋਵੇ ਕਿ ਤੁਸੀਂ ਕਿਸੇ ਤੇ ਭਾਰ ਬਣ ਜਾਓ l

* ਜਿਥੇ ਵਾਸ਼ਨਾ ਹੈ, ਓਥੇ ਪ੍ਰਾਰਥਨਾ ਨਹੀਂ l ਜਿਥੇ ਪ੍ਰਾਰਥਨਾ ਹੈ ਓਥੇ ਪਰਮਾਤਮਾ ਹੈ l ਜਿਥੇ ਵਾਸਨਾ ਹੈ, ਓਥੇ ਨਾ ਸ਼ਾਂਤੀ, ਨਾ ਸਚ ਅਤੇ ਨਾ ਸੁਖ ਤੇ ਨਾ ਹੀ ਅਨੰਦੁ ਹੈ l

* ਜਿੰਦਗੀ ਦਾ ਪਹਿਲਾ ਕਪੜਾ ਨੈਪਕੀਨ ਹੈ l ਜਿਸ ਵਿੱਚ ਜੇਬ ਨਹੀਂ l ਜਿੰਦਗੀ ਦਾ ਅਖੀਰਲਾ ਕਪੜਾ ਕਫਨ ਹੈ, ਜਿਸ ਵਿੱਚ ਵੀ ਜੇਬ ਨਹੀਂ l ਤਾਂ ਫਿਰ ਜ਼ਿੰਦਗੀ ਭਰ ਜੇਬ ਭਰਨ ਲਈ, ਇਸ ਤਰ੍ਹਾ ਦੀ ਭੱਜ ਦੌੜ ਕਿਉਂ ? ਜ਼ਿੰਦਗੀ ਵਿੱਚ ਖੁਸ਼ੀ ਨਾਲ ਰਹੋ l ਜੀਓ ਤੇ ਜੀਣ ਦਿਓ l

* ਇਨਸਾਨ ਦਾ ਅਧਿਕਾਰ ਕੇਵਲ ਕਰਮ ਵਿੱਚ ਹੈ, ਫ਼ਲ ਤੇ ਨਹੀਂ l

ਮਿੱਠੀ ਯਾਦ - Sant Mata Rajpal Kaur Ji & Sant Mata Surinder Kaur Ji

Date - 04 Apr 2013 - Time - 10:00 am Bhog Shri Akhand Path Sahib

Kirtan - @ Gurdwara Gursagar Sahib Chandigarh 

12:00 PM to 2:00 PM - Jatha

02:01 PM to 4:00 PM -  Sant Pritpal Singh Ji Jheel Wale

[ Amulik Lal - Page 52 ]

* ਦੋਸਤ ਬਣਾਉਣ ਵਿੱਚ, ਕੰਜੂਸੀ ਕਰੋ l ਪਰਖੇ ਹੋਏ ਪੁਰਾਣੇ ਮਿੱਤਰਾਂ ਨਾਲ ਥੋੜੀ ਬਹੁਤ ਅਣਬਣ ਹੋ ਜਾਵੇ ਤਾਂ ਛੱਡੋ ਨਾ l ਦੋਸਤੀ ਛੱਡਣ ਦੀ ਬਜਾਏ ਦੋਸਤ ਘੱਟ ਬਣਾਓ l

* ਸਮਾਂ ਇੱਕੋ ਜਿਹਾ ਨਹੀਂ ਰਹਿੰਦਾ l ਉਤਰਾਓ, ਚੜਾਓ, ਜਿੰਦਗੀ ਵਿੱਚ ਆਉਂਦੇ ਰਹਿੰਦੇ ਹਨ l ਇਸ ਕਰਕੇ ਘਬਰਾਉਣ ਦੀ ਲੋੜ ਨਹੀਂ l

* ਜੇ ਤੁਸ਼ੀ ਉਦਾਸ ਨਹੀਂ ਹੋਣਾ ਚਾਹੁੰਦੇ, ਤੁਹਾਨੂੰ ਕੋਈ ਵੀ ਉਦਾਸ ਨਹੀਂ ਕਰ ਸਕਦਾ l ਹਰ ਚੀਜ਼ ਵਿਚੋਂ ਗੁਣ, ਸੁੰਦਰਤਾ ਤੇ ਖੁਸ਼ੀ ਲੱਭਣ ਦੀ ਕੋਸ਼ਿਸ਼ ਕਰੋ l

* ਫਿਕਰਾਂ ਵਿੱਚ, ਹਰ ਸਮੇਂ ਪਏ ਰਹਿਣਾ ਬੇਵਕੂਫੀ ਅਤੇ ਸਰਾਪ ਹੈ l ਖੁਦ ਨੂੰ ਰਚਨਾਤਮਕ ਚੀਜ਼ਾਂ ਵਿੱਚ ਲਾਓ l ਜ਼ਿੰਦਗੀ ਬੋਝ ਨਹੀਂ, ਹਲਕੀ ਸੋਹਣੀ ਅਤੇ ਅੱਛੀ ਲਗੇਗੀ l

* ਕੋਈ ਤੁਹਾਡੀ ਆਲੋਚਨਾ ਕਰੇ, ਨਿੰਦਾ ਕਰੇ, ਹੱਸ ਕੇ ਸਵੀਕਾਰ ਕਰੋ l ਉਸ ਕਮੀ ਨੂੰ ਆਪਣੇ ਆਪ ਵਿਚੋ ਦੂਰ ਕਰਨ ਦੀ ਕੋਸ਼ਿਸ਼ ਕਰੋ l ਹਮੇਸ਼ਾ ਖੁਸ਼ ਰਹਿਣ ਦਾ ਫੈਸਲਾ ਕਰੋ ਅਤੇ ਉਦਾਸੀ ਨੂੰ ਭਜਾ ਦਿਉ l 

* ਸਾਨੂੰ ਅਪਨੀ ਹਰ ਗਤੀਵਿਧੀ ਨੂੰ, ਨਦੀ ਦੀ ਤਰ੍ਹਾਂ, ਚੱਲਦੇ ਰੱਖਣਾ ਚਾਹੀਦਾ ਹੈ l ਉਸਦਾ ਇਕ ਲਾਭ ਹੈ ਕਿ ਨਦੀ ਚੱਲਦੀ-ਚੱਲਦੀ ਨਵੇਂ ਕਿਨਾਰੇ, ਨਵੀਆਂ ਚਟਾਨਾਂ ਅਤੇ ਨਵੇਂ ਮੋੜਾਂ ਤੋਂ ਗੁਜਰਦੀ ਹੈ l ਇਸ ਤਰ੍ਹਾਂ ਜ਼ਿੰਦਗੀ ਦੀ ਤਾਜ਼ਗੀ ਵੀ ਬਣੀ ਰਹਿੰਦੀ ਹੈ l ਨਵਾਂ ਪਾਉਣ ਦੀ ਉਮੀਦ ਵੀ ਜਿੰਦਾ ਰਹਿੰਦੀ ਹੈ l

22 Mar - 01 Apr 2013 Kirtan :-

 
25, 26, 27 March 2013 - Gurdwara Gwari Ghat Sahib (Jabalpur)- Madhya Pradesh - India 

[ Amulik Lal - Page 51 ]

* ਨਿਮਰਤਾ, ਸੇਵਾ, ਸਬਰ ਤੇ ਮਿੱਠੇ ਵਚਨ, ਇਨਸਾਨ ਦੇ ਗਹਿਣੇ ਹਨ l ਨਿਮਰਤਾ, ਸੇਵਾ, ਜਗਿਆਸਾ ਨਾਲ ਗਿਆਨ ਦੀ ਪ੍ਰਾਪਤੀ ਹੁੰਦੀ ਹੈ l
* ਇਮਾਨਦਾਰ ਆਦਮੀ ਦੀ ਸੋਚ, ਉਸਾਰੂ, ਸਭ ਲਈ ਸਾਂਝੀ ਅਤੇ ਨਿਆ ਪੂਰਨ ਹੁੰਦੀ ਹੈ l
* ਉਹ ਹੀ ਸੱਚ ਹੈ, ਜਿਸ ਨੂੰ ਆਤਮਾ ਪ੍ਰਵਾਨ ਕਰ ਲਵੇ l
* ਜਿਸ ਕੋਲ ਸਵਸਥਤਾ ਹੈ, ਉਸ ਕੋਲ ਆਸ਼ਾ ਹੈ, ਜਿਸ ਕੋਲ ਆਸ਼ਾ ਹੈ, ਉਸ ਕੋਲ ਪਰਮਾਤਮਾ ਅਤੇ ਸਭ ਕੁਝ ਹੈ l
* ਜਿਸਦੇ ਮਨ ਵਿੱਚ ਗੁੱਸਾ ਨਹੀਂ, ਹੰਕਾਰ ਨਹੀਂ, ਮਮਤਾ ਹੀ ਹੈ, ਜਿਸਦੇ ਹਿਰਦੇ ਵਿੱਚ ਨਾਮ ਵਸਦਾ ਹੈ, ਉਹ ਮਨੁੱਖ ਈਸ਼ਵਰ ਦੇ ਸਮਾਨ ਹੈ l
* ਮੋਹ ਤੇ ਮਮਤਾ ਦਾ ਦਾਇਰਾ ਛੋਟਾ ਕਰੋ ਤੇ ਪ੍ਰੇਮ ਤੇ ਕਰੁਣਾ ਦਾ ਦਾਇਰਾ ਵੱਡਾ ਕਰੋ l
* ਗਿਆਨੀ ਕਹਿੰਦੇ ਹਨ ਕਿ ਪ੍ਰੀਕਸ਼ਾ (ਪ੍ਰੀਖਿਆ) ਹੋ ਰਹੀ ਹੈ l ਭਗਤ ਕਹਿੰਦੇ ਹਨ ਕਿ ਪ੍ਰਤੀਕਸ਼ਾ (ਉਡੀਕ) ਹੋ ਰਹੀ ਹੈ l
* ਸਾਨੂੰ ਕੁਝ ਰੋਜ਼ ਅਜਿਹਾ ਕਰਨਾ ਚਾਹੀਦਾ ਹੈ, ਜਿਸ ਨਾਲ ਅਸੀਂ ਵਖਰਾ ਕਰ ਜਾਈਏ l ਅਸੀਂ ਦੁਨੀਆਂ ਦੀ ਨਿਗਾਹ ਵਿੱਚ ਖਾਸ ਬਣੇ ਰਹਾਂਗੇ l

[ Amulik Lal - Page 50 ]

* ਮੌਨ ਰਹਿਣਾ ਸਭ ਤੋਂ ਵੱਡੀ ਤਾਕਤ ਹੈ l ਮੌਨ ਇਕ ਕਲਾ ਹੈ l ਮੌਨ ਭਾਸ਼ਣ ਹੈ l ਜੇ ਇਕ ਸ਼ਬਦ ਨਾਲ ਗੱਲ ਬਣਦੀ ਹੋਵੇ ਤਾਂ ਦੋ ਬੋਲਣ ਦੀ ਜ਼ਰੂਰਤ ਨਹੀਂ l

* ਤਿਲਕ ਦਾ ਮਤਲਬ, ਤਿੰਨ ਤਰ੍ਹਾਂ ਦੀ ਕਿਸਮਤ ਦਾ ਉਦੇ ਹੋਣਾ l ਸ਼ਾਂਤੀ ਦਾ ਅਰਥ ਕੇਵਲ ਸ਼ਬਦ ਦਾ ਨਾ ਹੋਣਾ ਨਹੀਂ, ਬਲਕਿ ਮਨ ਦਾ ਮੋਨ ਹੋਣਾ ਹੈ l ਸੰਸਾਰ ਵਿੱਚ ਜ਼ੋਰ ਦਿੱਤਾ ਜਾਂਦਾ ਹੈ ਕਿ -ਕਮਾਓ ਅਤੇ ਸਿਖੋ l ਪਰਮਾਰਥ ਵਿੱਚ ਜ਼ੋਰ ਦਿੱਤਾ ਜਾਂਦਾ ਹੈ ਕਿ : ਜੀਵਨ ਨੂੰ ਸੁਧਾਰੋ l

* ਚਿੱਤ ਦੇ ਸ਼ੀਸ਼ੇ ਉੱਪਰ, ਅਤੀਤ ਦੀ ਧੂਲ, ਇਕੱਠੀ ਹੁੰਦੀ ਹੈ l ਰੋਜ਼ਾਨਾ ਹੋਣ ਵਾਲੇ ਬਦਲਾਵ ਨੂੰ ਕੋਈ ਨਹੀਂ ਦੇਖਦਾ l ਇਸ ਲਈ ਖਾਸ ਤੌਰ ਤੇ, ਪਤੀ ਪਤਨੀ ਦੇ ਵਿੱਚ ਕਲੇਸ਼ ਹੁੰਦਾ ਹੈ l ਸਭ ਕੁਝ ਬਦਲ ਜਾਂਦਾ ਹੈ, ਪਰ ਦੋਨਾਂ ਵਿੱਚ ਪੁਰਾਨੀ ਤਸਵੀਰ ਹੀ ਜਿੰਦਾ ਰਹਿੰਦੀ ਹੈ l ਪਤਨੀ ਕਹਿੰਦੀ ਹੈ ਜੋ ਪ੍ਰੇਮ ਪਹਿਲੇ ਕਰਦੇ ਸੀ ਉਹ ਹੁਣ ਨਹੀਂ l ਉਸਦੇ ਦਿਮਾਗ ਵਿੱਚ ਪੁਰਾਣੀ ਤਸਵੀਰ ਹੀ ਜ਼ਿੰਦਾ ਰਹਿੰਦੀ ਹੈ l ਇਹੀ ਗੱਲ ਬਾਪ-ਬੇਟੇ ਤੇ ਹੋਰ ਰਿਸ਼ਤੇ ਦੀ ਹੈ - ਬਦਲਾਓ ਨੂੰ ਪਹਿਚਾਨੋ ਅਤੇ ਜੀਵਨ ਵਿੱਚ ਤਾਜ਼ਗੀ ਰਖੋ l

Sant Baba Pritpal Singh Ji Jheel Wale